امبارح الاثنين كان يوم بصراحة جميل جدا يمكن اجمل يوم من حوالى 5 شهور

كنت امبارح فى بورتو سخنة مع الشلة 

بجد كان يوم جميل نبدأ نتكلم عن الجوانب الايجابية وبعدين السلبية

  طبعا فى البداية بورتو سخنة للى ما يعرفش هى احد مشاريع عامر جروب على غرار (حلوه غرار دى ) بورتو مارينا

المشروع بصراحة عملاق والفكره جميلة جدا والمنظر رائع والحياة هناك بجد هتبقى قمة الذبادى اللى فى الدنيا

يعنى ساكن فوق الجبل وبتبص على البحر والتنقل الداخلى هيبقى بالتليفريك (اول تليفريك فى مصر )

وملاعب جولف فوق الجبل ( على رأى واحد صاحبى : اصل احنا لعبنا جولف فى كل حته ناقص نلعب فوق الجبل )

وطبعا محلات وكافيهات وكل حاجه تقريبا يعنى مجتمع متكامل الخدمات

وبجد المنظر هناك سواء للمشروع نفسه او للبحر ممتاز

» أكمل القراءة

سينا رجعت كامله لينا ومصر اليوم ….. مصر اليوم فى عيد

امبارح كان 25 ونسيت اكتب عن تحرير سينا فقلت لازم اكتب النهارده

 بس مش عارف اكتب ايه 

اكتب ان سينا اتحررت عشان ما تبقاش لينا !!

والا ان سينا مكتوب عليها تبقى الارض الوقف للحروب

والا ان سينا هى البقعة المصرية لغير المصريين

والا ان سينا 90% من المصريين يعرفوا عنها انها شهدت حرب 73 وانها فى الحته اليمين فوق كده على الخريطه

سيبك انت من الكلام ده المهم انها رجعت كامله لينا وانها اتحررت

هيه مش اتحررت بردو ؟؟؟؟

النهارده ايه سؤال بنسأله كتير وناس كتير بتسأله لينا

طيب ايه الموضوع يعنى ….. مش عارف بس الاجابه دايما مختلفه

النهارده الجمعة

النهارده 25  مع انك سألت النهارده ايه مش كام فى الشهر

النهارده الجمعة 25 ابريل (ده واحد اكيد بص فى النتيجه او شغال فى الحكومه او انسان مش طبيعى)  

النهارده الجمعة 25 ابريل 2008 ده اكيد صحفى او واحد مجنون او شغال فى السجل المدنى

النهارده … النهارده … النهارده … مش عارف  ده المواطن المصرى الطبيعى اليومين دول

النهارده الخميس اكيد …. ده الشاب المصرى اللى مش عارف حاجه والايام كلها عندو خميس

مش هتفرق كتير جمعه من سبت ….. راجل كبير زهق وطهق وقرب يموت خلاص

اهى كلها ايام ربنا يا ابنى ….. راجل عجوز مش فارقه معاه حاجه

هوه النهارده ايه صحيح ؟  وليه دايما ما بنبقاش عارفين النهارده ايه ؟

السلام عليكم

اخر تدوينه لي كانت تقريبا فى منتصف شهر 12 النهارده 21 -4 -2008 يعنى تقريبا 5 شهور متوقف عن التدوين (كتير بجد)

والسبب كان ان ما كنش عندى وقت اتلفت فما بالك انى أدون وماذال الحال ده مستمر لكن النهارده قررت انى ارجع للتدوين والسبب انى اتخنقت

اه اتخنقت

اتخنقت … من روتين مستمر بقاله اكتر من 4 شهور

اتخنقت …. من نفس الكلام اللى بسمعه كل يوم … الاسعار … المستقبل … الحياه … التغيير … التطرف … الخ من قضايا المجتمع المصرى المستمره من قبل ما اتولد وهتفضل مستمره لبعد ما اموت .

» أكمل القراءة

اخيرا تم الاستقرار على نوع اللاب توب الجديد

hp pavilion dv6000 series

red dot design award 2007

افضل تصميم لعام 2007

المواصفات

مع اختلاف انى رفعت الرامات ل 2 جيجا